Bakuvi Solutions MMC ilə ZKTeco Azərbaycan distribütorluğu arasında qurulan rəsmi tərəfdaşlıq çərçivəsində şirkətimizin texniki heyəti peşəkar ixtisasartırma proqramına cəlb olunub.

Təlim proqramının əsas məqsədi əməkdaşlarımızın biometrik təhlükəsizlik sistemləri sahəsində nəzəri biliklərini və praktiki bacarıqlarını daha da inkişaf etdirmək, müştərilərimizə beynəlxalq standartlara uyğun xidmət göstərməkdir.

Təlim müddətində iştirakçılar aşağıdakı mövzular üzrə mərhələli şəkildə praktiki və nəzəri dərslər keçirlər:

Biometrik girişə nəzarət sistemlərinin quraşdırılması
Access Controller (Kontroller) sistemlərinin konfiqurasiyası
Turniket və giriş-çıxış avadanlıqlarının quraşdırılması
Barmaq izi, üz tanıma və kart oxuyucu terminalların istifadəsi
Avadanlıqların funksiyalarının aktivləşdirilməsi və sazlanması
ZKTeco proqram təminatlarının quraşdırılması və konfiqurasiyası
Sistemlərin inteqrasiyası və istifadə qaydaları

Təlim proqramı uğurla başa çatdıqdan sonra iştirakçı əməkdaşlarımız beynəlxalq standartlara uyğun rəsmi sertifikat əldə edəcəklər.

Bakuvi Solutions olaraq əməkdaşlarımızın peşəkar inkişafına davamlı şəkildə investisiya edir, müştərilərimizə daha keyfiyyətli, etibarlı və müasir təhlükəsizlik həlləri təqdim etməyi əsas prioritetlərimizdən biri hesab edirik.