Magistraturaya ixtisaslaşma seçimi başladı: düzgün qərar gələcəyinizi müəyyən edir

Dövlət İmtahan Mərkəzinin (DİM) yaydığı məlumata əsasən, ali təhsil müəssisələrinin magistratura səviyyəsinə ixtisaslaşma seçimi prosesi start götürüb. Seçimdə fevralın 15-də, mayın 17-də və iyunun 14-də keçirilmiş qəbul imtahanlarının (bəzi proqramlar üzrə isə həmçinin qabiliyyət imtahanının) nəticələrinə əsasən müsabiqə şərtlərini ödəyən bakalavrlar iştirak edə bilərlər.

Bakalavrlar iyulun 20-dən 26-dək (saat 23:59-a kimi) DİM-in elektron xidmətlər portalı — eservices.dim.gov.az/erizemag/erize ünvanı üzərindən "Bakalavrın elektron ixtisaslaşma seçimi ərizəsi"ni doldurmalı və təsdiqləməlidirlər. Seçim zamanı bakalavr bitirdiyi ixtisasa uyğun 20-yə qədər ixtisaslaşma kodunu özünün üstünlük sırasına görə qeyd edə bilər. Bu ixtisaslaşmaların tam siyahısı və hər biri üçün tələb olunan minimal bal "Magistr" jurnalının 2026-cı il üçün nəşr olunmuş 3-cü sayında dərc olunan seçim cədvəlində əks olunub.

Prosesin xüsusiyyəti ondadır ki, seçim zamanı göstərilən ardıcıllıq hüquqi əhəmiyyət daşıyır — yəni bakalavrın siyahıda birinci qeyd etdiyi ixtisaslaşma onun üçün prioritet sayılır və müsabiqə nəticələri məhz bu ardıcıllığa əsasən formalaşır. Bir səhv sıralama, tələbənin arzu etdiyi ixtisaslaşmadan məhrum olmasına səbəb ola bilər.

Məhz bu məqamda düzgün məlumatlandırma və strateji planlaşdırma həlledici rol oynayır. Bakuvi Solutions olaraq biz bakalavrlara toplanmış bal, keçən illərin keçid balları, ixtisaslaşmalar üzrə perspektivlər və şəxsi maraqlar əsasında ən optimal seçim strategiyasını qurmaqda kömək edirik. Məqsədimiz sadədir: tələbələrin gələcək karyeralarını təsadüfə deyil, əsaslandırılmış qərara söykəndirmək.

Ixtisaslaşma seçimi ilə bağlı əlavə sualınız varsa və ya prosesdə peşəkar dəstəyə ehtiyac duyursunuzsa, komandamızla əlaqə saxlaya bilərsiniz: 099 221 32 33